Informatika 2023-24: 2023

2023(e)ko abenduaren 1(a), ostirala

Ikasteko prozesuaren kostua

Informatika irakasgaian programazio-lengoaia bat ikasiko dugu, eta dagokion ikasteko kostua ondoko irudian erakusten da:

Ikasteko prozesuaren kostua lerro gorriaren bitartez adierazten da. Ikus daitekeenez hasiera erraza da eta gehiago konplikatzen da azpiprogramak gaiarekin; ondoren ikasteko lerroaren malda berriro apaltzen da, eta, bukaeran maldak gora egiten du fitxategiak gaiarekin batera.

Bertan ikus daitekeen bezala, kontzeptu bat ikasten denean kurtso osoan erabiliko da, adibidez hasieran ikasten diren oinarriak kurtso bukaeraraino luzatzen da, gauza bera baldintzak gaiarekin (eta gainerako besteekin). Horregatik, ez da ahaztu behar programazio-lengoaia bat ikastean kontzeptuak pilatu egiten direla, hots, gai guztiak elkar loturik daudela, eta ondorioz gai bat erdizka ikastean gera daitezkeen gabeziak hurrengo beste gaietan antzematen direla.

Irudiaren ardatz horizontalean asteak adierazten dira, eta aste bakoitzean lantzen den gaia ere. Irudiaren ardatz bertikalean gai bakoitzaren zailtasuna adierazten da: azpiprogramak eta fitxategiak zailenak dira, errepikapenak gaia tartekoa da eta gainerako besteak errazak dira.

Bigarren kontrola 10. astean izan ohi da. Baina 2023-24 ikasturte honetako egutegia dela eta, bigarren kontrola 11. astean izango da (udaberriko oporren ostean)

2022-23 ikasturtean azterketetara aurkeztu ez ziren ikasleen kopuruak

Teoriako eskoletara ikasleen bertaratzea

Klasera ez etortzea dela eta, 2022-23 ikasturtean teoriako klaseen parte-hartzea erregistratu zen eta ondoko irudian ikus daitekeen bezala, astelehenetan gelara datozen ikasleen ehunekoa %71,5ekoa izan da eta ostiraletan %57,6koa. Zenbaki txarrak ez dirudite mediak direlako, baina alde nabaria dago kurtsoaren hasierako eta bukaerako etorreren artean (kurtso hasieran ikasle gehien-gehienak klaseetara etorri ziren eta kurtso bukaerarako hutsegiteak ugariak izan ziren). Esan gabe doa, ostiraletako hutsegiteak askoz gehiago direla astelehenetako hutsegiteak baino:

2022-23 ikasturteko ikasleen parte-hartzea eskola magistraletan asterik aste

Azterketetara aurkeztu ez diren ikasleen kopuruak

Aurreko grafikoaren 15. asteko datuei erreparatuta, 37 ikasle bertaratu ziren azken astelehenean eta 30 ikasle bertaratu ziren azken ostiralean. Horregatik, media bezala, 34 ikasle bertaratu ziren azken astean eta ondorioz esan daiteke 74-34=40 ikaslek bazterturik (edo erdi bazterturik) zeukaten irakasgaia kurtsoa bukatzean.

Bestalde, azterketa desberdinetara zenbat ikasle aurkeztu zirenen kopuruak jaso ziren eta ondoko taulan bildu dira:

2022-23 ikasturteko azterketetara **ez aurkeztuak** 31. taldean
2022-23	IKASLEAK	EZ AURKEZTUAK	GAIAK ETA ASTEA/DATA
1. kontrola	74 (%100)	8 (%10,8)	Baldintzazkoak eta errepikakorrak (5. astea)
2. kontrola		18 (%24,3)	Kateak eta azpiprogramak (10. astea)
3. kontrola		30 (%40,5)	Arrayak, erregistroak eta fitxategiak (15. astea)
Maiatza		35 (%47,3)	Dena (2023-05-24)
Uztaila	43 (%100)	29 (%67,4)	Dena (2023-06-30)

Goiko taulan adierazten den bezala, 1. kontroleko azterketara ikasle gehienak aurkeztu ziren, baina, hortik aurrera, hurrengo azterketara askoz ikasle gutxiagok parte hartu zuten.

5. astetik 10. astera bitartean gai garrantzitsu bat ematen da: azpiprogramak (7. astea). Dirudienez, azpiprogramak ulertzea eta erabiltzea zaila egiten zaio ikasle askori eta, ziur gaude, irakasgaiaren punturik kritikoena dela.

Errendimenduaren bilakaera

Errendimendu-tasa

Aprobatuen eta matrikulatuen arteko zatidurari errendimendu-tasa esaten zaio, eta irakaskuntzan erabiltzen den metrika garrantzitsu bat da.

2014-15 ikasturtearen eta 2022-23 ikasturtearen artean, Informatika irakasgaian 31. taldeko emaitza orokorrak (maiatzako notak eta uztaileko notak kontutan harturik) ondoko hauek izan dira, hots, Informatika irakasgaian 31. taldeko errendimenduak hauek izan dira:

31. taldearen urtez urteko errendimendu-tasa (aprobatuak/matrikulatuak) maiatzeko eta uztaileko deialdien ondoren

2022-23 ikasturteko **errendimendu-tasa** 31. taldean
IKASLEAK	APROBATUAK	SUSPENDITUAK
74 (%100)	39 (%52,7)	35 (%47,3)
74 (%100)	39 (%52,7)	6 (%8,1)	29 (%39,2)
2022-23	>= 5	< 5	E.A.

Arrakasta-tasa

Aprobatuen eta aurkeztuen arteko zatidurari arrakasta-tasa esaten zaio eta irakaskuntzan erabiltzen den beste metrika bat da. Arrakasta-tasari dagokiola, Informatika irakasgaiak lortu duen emaitza %86,7koa izan zen 2022-23 ikasturtean, hau da, azterketa batera edo/eta bestera aurkeztu ziren zortzi ikasleetatik kasik zazpik aprobatu zuten:

2022-23 ikasturteko **arrakasta-tasa** 31. taldean
AURKEZTUAK	APROBATUAK	SUSPENDITUAK
45 (%100)	39 (%86,7)	6 (%13,3)
2022-23	>= 5	< 5

Grafikoki:

31. taldearen arrakasta-tasa (aprobatuak/aurkeztuak) maiatzeko
eta uztaileko deialdi biren ostean 2022-23ko ikasturtean

Arazoa, bistan da, irakasgaia bertan bera uzten duten ikasleen kopuru handian dago, ikasleen %39,2koa ez zen aurkeztu ez maiatzeko ezta uztaileko deialdietan. Hau da, 74 ikasleetatik 29 ikasle ez ziren aurkeztu ez maiatzeko ezta uztaileko deialdietan (gainerako 45 ikasleetatik, 39k aprobatu zuten eta 6 suspendituta geratu ziren).

Klasera ez etortzea dela eta, kurtsoaren zehar jaso ziren datuak aztertzea interesgarria da.

Ebaluazio jarraitua %30a eta azterketa idatzia %70a

Ikaslearen azken kalifikazioa bi kontzeptutik dator: azterketa idatzitik eta ikasturtearen zeharreko lanetik. Laborategiari eta mintegiari lotuta dagoen ebaluazioari ebaluazio jarraitua edo etengabeko ebaluazioa esaten diogu eta azken kalifikazioaren %30a da. Beraz, azterketa idatziaren pisua azken kalifikazioan %70ekoa izango da.

Bai ohiko deialdian zein ez-ohiko deialdian, %70eko pisua duen azterketa idatzia aprobatu beharra dago. %70eko pisua duen azterketa idatzia aprobatu ezean, ikasleak lor dezakeen kalifikazio maximoa 4,5 puntu izango da.

Ohiko deialdia

Ikasleren batek ebaluazio jarraituari uko egitea nahi izanez gero, idatziz eskatu beharko dio bere laborategi/mintegiko irakasleari (horretarako data-muga: 2024ko martxoaren 22a). Ebaluazio jarraituari uko egiten dion ikasleak, ordenadorearen aurreko froga praktikoa egingo du ohiko deialdiaren azterketa egunean. Ordenadore aurreko froga praktikoak azken kalifikazioaren %30a balio du Irakasgaia gainditzeko derrigorrezkoa da gutxienez %50a lortzea froga bakoitzean, bai froga idatzian zein ordenadore aurrekoan.

Ohiko deialdia: ebaluazio jarraituan lortutakoa gehi uztaileko azterketa idatzian lortutakoa.

Ohiko deialdia: ebaluazio jarraituari uko egiteko eskari-orria irakasleari eman (eskolak hasi eta 9. astea baino lehenago, hots, 2024ko martxoaren 22a baino lehenago).

Aurreko irudiek bi egoera horiek adierazten dituzte: ikasleak ebaluazio jarraitua eta azterketa idatzia egingo dituela (egoera lehenetsia denez ez dago eskatu beharrik), eta, ikasleak froga praktikoa eta azterketa idatzia egingo dituela (eskatu beharra dago).

Ez-ohiko deialdi berezia

Deialdi bereziaren azterketa idatzian lorturiko emaitza irakasgaiaren kalifikazioa izango da.

Deialdi berezia: uztaileko azterketa idatziak bi zati ditu, batetik galderak eta bestetik programa.

Irakasgaiaren ebaluazioa

Ikasturtearen hasierako ebaluazioaren banaketa eta egin beharrekoak:

Eskola mota	% Guztira	% Gutxienez eskatuko dena	Ebaluatzeko eginkizunak	Notaren %koa	Puntuak
Laborategia	%15a	Ez da nota minimorik eskatuko. Baina lortutako puntuazioak ikasturteko maiatzaren deialdia eragina izango du, eta uztailaren deialdian ez du eraginik izango. Ikus artikulu hau.	Lehen eta bigarren kontrolak
			5. astean FOR agindua eman ostean: azp1, 2023-02-21ean azp2, 2023-02-22an azp3, 2023-02-20an 10. astean azpiprogramak eta kateak eman ostean: azp1, 2023-03-28an azp2, 2023-03-29an azp3, 2023-03-27an	%33,3a %66,6a	0,5 puntu 1,0 puntu
			Laborategi saioetara etorri izana kontrolatuko da zerrenda pasatuz.
Mintegia	%15a	Ez da nota minimorik eskatuko. Baina lortutako puntuazioak ikasturteko maiatzaren deialdia eragina izango du, eta uztailaren deialdian ez du eraginik izango. Ikus artikulu hau.	Hirugarren kontrola, ariketa handia (proiektua)
			Iazko azterketa baten inguruan jardungo dugu kurtsoaren zehar. 15. astean, azken praktika egunean, proiektuari buruzko bakarkako froga: azp1, 2023-05-09an azp2, 2023-05-10ean azp3, 2023-05-08an	%100a	1,5 puntu
			Mintegi saioetara etorri izana kontrolatuko da zerrenda pasatuz.
Teoria	%70a	%50a (7 puntutik, minimoa 3,5 puntu)	Azterketa idatzia: Maiatzeko deialdia: 2023-05-24an, 08:30ean Uztaileko deialdia: 2023-06-30ean, 08:30ean
			Test bat edo galderak luzeagoak erantzuteko	%30a	2,1 puntu
			Programa bat	%70a	4,9 puntu

Ordutegiak

31. taldea	Tutoretzak	Eskola magistralak (31. taldea)	Eskola magistralak (31. taldea)
Ordutegia	astelehena asteartea asteazkena 10:00-12:00 09:00-12:00 11:00-12:00	astelehena 9:00-10:00	ostirala 8:00-9:00
Tokia	nire bulegoa P3B59	P0A9A	P0A9A
Asteak	15 aste	15 aste	15 aste

Urruneko tutoretzak hemen: https://onx.la/95973

Hiru azpitaldeen ordutegiak hemen ikusi:

Egutegia

Ikasketa-bektorea

Irakaskuntza motak bi izango dira: eskola magistralak eta laborategiko eskolak (laborategia eta mintegia). Hona hemen irakasgaia eta dagozkion orduen banaketa:

Irakasgaia: 26570 - Informatika
Maila: 1.
Mota: Adarraren Oinarrizkoa
Kredituak: 6 ECTS (3+3)

Eskola mota	Magistralak (31. taldea)	Laborategiak (hiru azpitalde)
Ikasgelako orduak	30 (astero 2 ordu)	30 (astero 2 ordu)	60
Gainerako orduak	30 (astero 2 ordu)	60 (astero 4 ordu)	90
Guztira: 150 ordu	60	90	150

Ikaskuntza-gida

2023-24 Ikaskuntza-gida pdf formatuan.

Helburuak

Irakasgai honetan softwarearen garapena lantzen da. Prozesu honetan azpimarratzen da abstrakzioaren eta finketaren garrantzia, gero algoritmo bat garatzeko eta azkenean goi mailako lengoaiaren bidez inplementatzeko. Baita inplementatutako softwarearen egiaztapena eta arazketa ere kontuan hartzen dira. Ataza hauetarako konputagailuak erabiltzeaz gain, web zerbitzuak erabiltzen dira ere eta horrela ikasleak Informazioaren eta Komunikazioaren Teknologiekin (IKT) kontaktua izango du.

Horregatik, irakasgaiak bi arlo jorratzen ditu. Batetik, konputagailuen programazioaren metodologiak (abstrakzio funtzionala eta urrats-urratseko finketa) ikusten dira. Bestetik, programazioaren oinarriak lantzen dira, hauek ikasiz:

Datu-mota soilak eta aurredefinituriko datu-motak (datu-mota estandarrak)
Kontrol sententziak: sekuentzialak, baldintzazkoak eta iteratiboak
Azpiprogramak
Datu-mota egituratuak
Datuen bilketa iraunkorra (fitxategiak)

Hau guztia goi-mailako lengoaia baten bitartez programatzen da.

Irakaskuntza motak hiru izango dira: eskola magistralak, mintegiak eta laborategiak. Eskola magistraletan kontzeptu teorikoak ematen dira, adibide praktikoak erakustea ahaztu gabe. Mintegiak eta laborategiak kontzeptu teorikoak finkatzeko erabiltzen dira, mintegietan taldeka lan eginez eta bakarka laborategian.

Mintegietan ikasleak talde txikietan antolatzen dira eta programen diseinuaz arduratzen dira batez ere (top-down metodologia eta abstrakzio funtzionala). Gero, laborategian, konputagailuaren aurreko praktikak egiten dira ariketen programazioa burutuz goi-mailako lengoaia baten bitartez. Lan egiteko etapak guztiz zehazturik daude: soluzioaren diseinua, kodifikazioa goi-mailako lengoaian, arazketa eta emaitzaren azterketa.

Irakasgai honetara ekarritako adibideak, ariketak eta proiektuak ingeniaritzarekin loturik daude, hots, benetako jarduera profesionalak izan zitezkeen. Bestalde, aipatutako adibide eta ariketa batzuk oinarrizko moduluaren gainontzeko irakasgaietatik hartuak dira. Dena dela, irakasgai honetan ikasitako kontzeptuak titulazioaren beste irakasgai batzuetan aplikagarriak dira.

Jasoko diren gaitasunak

Oinarrizko moduluan definiturik dagoen ondoko gaitasuna jorratzen du irakasgai honek: "Konputagailuen erabilpenaren eta programazioaren oinarrizko ezaguera, sistema eragileak, datu-baseak eta programa informatikoak ingeniaritzan". Bestalde, nola ez, irakasgai honek laguntzen du ere graduaren gaitasunak jasoak izan daitezen.

1. Oinarrizko gaitasunak

1.1. Ikasleek euren ezaguerak haien laneko esparruan aplikatzen jakingo dute; bide batez, lanbideko jardueran arazoak ebazteko eta argudioak erabiltzeko gai izango dira ikasleak
1.2. Ikaslea gai izango da norberaren etengabeko ikaskuntza planifikatzen eta gauzatzen

2. Moduluaren gaitasunak

2.1. Oinarrizko ezaguerak ondoko gaietan: konputagailuen erabilpenaren eta programazioaren oinarrizko ezaguera, sistema eragileak, datu-baseak eta programa informatikoak ingeniaritzan
2.2. Ikasleak ondoko ahalmenak garatu behar ditu: programa informatikoen abstrakzio funtzionala eta urrats-urratseko finketa

2023(e)ko azaroaren 14(a), asteartea

Blog baten zehar nola nabigatu

Blog batean informazio-zatiak argitaratzen dira eta informazio-zati horiei blog-artikulu esaten zaie (bai ere sarrera eta post). Blog-artikulu bati, edo laburrago hitz egitean artikulu bakoitzari Internet helbide bat dagokio eta horri esker artikulu jakin baten erreferentziak beste web gune batzuetan jar ditzakegu, blog-artikuluren bat aipatzen dudanean nik beti (edo gehien-gehienetan) bere helbidearekin aipatzen dut bertan sakatu eta artikulua bistaratu ahal izateko.

Blog baten zehar nola nabigatu? Hiru bide nagusi daude:

Batetik, blogaren eskumako zutabean dagoen BILATU BLOGEAN tresna erabiliz, bilatu nahi dugun kontzeptua kutxan idatzi eta Bilatu botoi gainean sakatu, ikusi hurrengo irudietatik lehena
Bestetik, blogaren eskumako zutabean dagoen ARTIKULUAK tresna erabiliz, gogoratu blog batean artikulu berriak goian kokatzen direla eta zaharrak beherantz doazela, ikusi hurrengo irudietatik bigarrena
Azkenik, artikuluak etiketatu badira gure gaiarekin bat datorren etiketa gainean sakatu ahalko dugu, ikusi hurrengo irudietatik hirugarrena non ETIKETAK izeneko atala erakusten den

Hona hemen irudiak:

Kontzeptu baten bidezko bilaketa

Data edo denborarekiko ordena

Etiketa baten araberako iragazketa

Kontu pribatuak

Gure datu pertsonalen babesa guri dagokigu, mundua gero eta teknifikatuagoa denez gure datu pertsonalak gero eta agerikoak izan daitezke. Datu pertsonalak partekatzean zer, non eta zenbateriano erakutsi nahi dugun gure ardura da.

Datuak Babesteko Euskal Bulegoa gobernuko zerbitzu bat da eta bere helburuen artean dago herritarrak informatzea eta, bide batez, herritarrak pribatasunaren arazoarekiko sentikor bihurtzea. Horretarako, bizitza arruntatik hartutako adibideak komikietan bildu ditu. Izan ere, komikiek aparteko ahalmena eta trebetasuna dute gauzak era errazean kontatzeko, hauxe da ekimenaren izena eta marka: Kontu Pribatuak.

Gehiago jakiteko, irudiaren gainean sakatu.

Programazio Lengoaien erabilpena azken hamarkadetan

1965aren eta 2021aren artean programazio lengoaia desberdinak erabili dira

Bideoan ikus daitekeen bezala, historikoki lengoaia desberdinak erabili izan dira konputagailuak programatzeko. Azalpen txiki bat emanez, bideo horrek ondoko hau erakusten du:

1965aren eta 1980aren artean, zenbakizko kalkulu zientifikoak eta enpresa gestioa burutzeko lengoaia nagusiak FORTRAN eta COBOL dira:

FORTRAN, zenbakizko kalkulu zientifikoak burutzeko.
COBOL, enpresa eta administrazio gestiorako aplikazioak sortzeko.

1980aren eta 2000aren artean, lengoaia nagusiak ondoko hauek dira eta orotariko aplikazioak garatzeko erabiltzen ziren:

C eta C++
Pascal eta Ada

2000aren eta 2019aren artean, Internet aplikazioen garapen handiak egin dira eta lengoaia nagusiak ondoko hauek izan ziren:

PHP
Java eta JavaScript
Python

Azkenean, 2021an eta Internet aplikazioen garapenekin lotuta, goi-goian kokatutako lengoaiak hauek izan dira:

JavaScript
HTML/CSS
SQL

KISS printzipioa

Ikusirik sistema informatikoak gero eta konplexuagoak direla, programak idazterakoan KISS printzipioa enuntziatu dute programadoreek. Horren arabera, programa informatikoekin lan egitean, honelaxe jokatu: Keep it Simple, Stupid.

Keep it Simple, Stupid: hau da, ez zaitez ergela izan eta zure programazioa zehatza eta laburra izan dadila, bide anitzen aurrean zure erabakiak erraztasunaren alde egin dezala.

Wikipediak KISS printzipio nola definitzen duen ikusteko esteka hau jarraitu. KISS printzipioa bizitzako arlo guztietan aplika daiteke eta Erdi Aroko Occam’s razor (edo Ockham-en labana) bezala ezagutzen den korronte filosofiko baten ondorioa da:

"Pluralitas non est ponenda sine necessitate"
(Pluraltasuna premiarik gabe ez da erabili behar)

Printzipio horren arabera, lehian diharduten bi teoriak (edo bi programak) ondorio berberak baldin badituzte, bietarik modu ekonomikoagoan ondorio berberak lortzen dituena zuzena izateko aukera gehiago ditu.

Gilen Ockhamgoa

Friedrich Nietzsche

Filosofoekin jarraituz, antzeko mezua igorri zigun Friedrich Nietzschek soiltasunaren alde hau idatzi zuenean: "Ura nahasi egiten dute, sakonak diruditen itxura emateko".

Arakatzailerako gehigarriak

Itzuli eta Itzuli+

Itzuli eta Itzuli+ sare neuronalen bidez funtzionatzen duten itzultzaile automatikoak dira, eta testu orokorrak itzultzen dituzte euskaratik gaztelaniara eta gaztelaniatik euskarara.

Itzuli erabiltzeko https://www.euskadi.eus/itzuli/ web gunea bisitatu. Zure nabigatzailea Firefox edo Chrome bada, interesgarria izan lekizuke Itzuli+ gehigarria:

Ordenadoreko nabigatzailean instalagarria den tresna eta baita ere telefono aplikazioa

Euskalbar 5.0

Euskalbar interneteko erreminta interesgarri bat da (gehigarri edo plug-in bat). Haren bidez, hizkuntza-kontsultarako hainbat baliabide ditugu eskura hiztunok:

HIZTEGIAK: Euskalterm, Elhuyar, 3000, Hiztegi Batua, Sinonimoen hiztegiak…
CORPUSAK: Ereduzko prosa, ZT corpusa…
BANAKETA-ZERRENDAK: Itzul…
ZUZENTZAILE ORTOGRAFIKOA: XUXENweb

Ordenadoreko nabigatzailean gehigarri bezala instalagarria den tresna

Euskalbar gehigarria:

Interneten ere, lehen hitza euskaraz

Lehen hitza euskaraz!

Ordenadorea eta mugikorra egoki konfiguratzeko klik egin irudiaren gainean

Nabigatu euskaraz!

Nabigatu euskaraz deituriko kanpainaren bitartez euskarari bidea zabaldu nahi zaio Interneten ere. Parte hartzeko modurik garrantzitsuena zure nabigatzailea konfiguratzea da, hots, zure nabigatzailea konfiguratzea nabigazio-hizkuntza euskara izan dadin. Horrek ez du esan nahi beste hizkuntzak erabiliko ez dituzunik.

Nabigatu euskaraz kanpainaren ekimenak ikusteko klik egin irudiaren gainean

Orrialde honetan azaltzen da zehatz-mehatz zure nabigatzailea nola konfiguratu, prozesua nabigatzailearen araberakoa da baina laburbilduz honako hauek egin behar dituzu:

Nabigatzailearen menua arakatu eta hizkuntzari dagokion funtzionalitatea aurkitu.
Hizkuntzaren funtzionalitatearen barruan gehitu Euskara, eta bukatzeko...
...hizkuntzen ordena aldatu Euskara lehenengoa azal dadin.

Gaitu proiektua | Adimen artifizialak euskaraz egin dezan

Gaitu proiektua. Erronka berri bat dugu: makinek gure hizkuntza ulertu eta hitz egin dezaten, lehenago irakatsi egin behar diegu. Horretarako, milaka ahots behar ditugu, milaka grabazio ordu euskaraz.

Irudiaren gainean klik egin proiektuaren nondik norakoak ezagutzeko

Zure ahotsa garrantzitsua da. Ahots asko eta askotarikoak behar ditugu: adin tarte, genero eta mota guztietakoak. Eta zurea ere bai.

Guztion artean sortzen ari garen ahotsen datu-basea, gero enpresa guztiek erabili ahal izango dute euskarazko tresna eta aplikazio berriak sortzeko, euskaldun guztion onurarako. Izan ere, biltzen ari diren datu-sorta guztiek CC-0 lizentzia (Creative Commons Zero) daukate, hots, jabetza-eskubidea gizateriari bere osotasunean dagokiola zehazten duen lizentzia da.

Ondoko irudian adierazten den bezala, laguntzeko hiru bide daude:

Hitz Egin: norberaren grabazioak egin eta bidali
Entzun: besteen grabazioak entzun eta balioztatu
Idatzi: norberaren esaldiak osatu eta bidali

Ahotsak biltzerakoan bi zeregin daude: Hitz Egin eta Entzun.
Esaldien biltze-lana ere gizarteak egingo du Idatzi aukerari esker

Laguntzeko hiru bide horietarik nahi duzuna hauta dezakezu. Sistemaren funtzionamendua ezagutze aldera, baliteke onena izatea Entzun aukeratik hastea, ahotsak biltzeko gidalerroak astiro irakurri eta 5 grabazioen sorta bat balioztatu (lau eginkizun posible: BAI, EZ, Saltatu, Salatu).

Gero, Hitz Egin aukera hautatu eta ahotsak biltzeko gidalerroak atalean irakurritakoa ahaztu gabe, grabatu ahalik eta esaldi gehien (bost eginkizun posible: HASI GRABAZIOA, Grabatutakoa entzun, Grabazioa errepikatu, Saltatu, Salatu). Oso erraza da, adibidez:

Irudiaren gainean klik egin grabazio sorta bat egiteko

Azkenik, zure esaldiak gehitu ahal dituzu datu-basera Idatzi aukera hautatuz, esaldiak biltzeko gidalerroak irakurtzea komenigarria da. Esaldia idazteko kutxa bat aurkituko duzu eta bere azpian bigarren kutxa bat esaldairi dagokion aipamena aitortzeko.

Batu ditzagun gure ahotsak, teknologiari euskaraz irakasteko. Ekarpen polita egingo diogu gure hizkuntzaren eta kulturaren garapenari.

Orriak